WALA sa mansion si Yaya Lorena nang dumating si Florence. Inutusan daw ito ni Nana Eliza sa supermarket kasama ng isa pang kasambahay. Sa kwarto niya na nabuksan ang mga nagpasukang messages sa cellphone. May mga missed calls din siya. May text na nagmula kay Jason. Ilang tawag mula kay Jelai at mas marami ang kay Berna. Malamang na inip na inip na ang isang iyon at gusto nang makabalik ng Sta. Catalina.
Kararating ko lang. Kumusta kayo?
Sa halip na magreply sa textmessages ng mga kaibigan ay nagsulat na lang siya sa kanilang group chat. At habang naghihintay ng reply ng mga ito ay sinagot naman niya ang mga texts ni Jason. Nangungumusta lang naman ang isang iyon.
Ilang sandali pa ay may mga sagot na ang dalawa.
Berna: Gala ng gala! Kaya pala hindi sumasagot sa tawag!
Jelai: Where ha
