‘Huwag mo na hintayin ang asawa mo dahil hindi mo naman ‘yon totoong asawa. Baka nasa totoong babae na mahal niya iyon. Matulog ka na diyan, Ate. Pati sa akin nakakaistorbo ka na. May pasok pa ako bukas. Good night’ – ang huling chat sa kaniya ni Gela na kaniyang na-receive. Bruha talaga. Walang kuwentang kausap.
Padarag na ibinaba niya sa center table ang kaniyang cellphone. Humalukipkip at sinubukang ituon ang pansin sa kaniyang pinapanood na panggabing drama. Subalit saglit lamang ay napalatak siya’t nakalas ang pagkakahalukipkip niya dahil hindi na naman maalis sa isip niya ang sinabi ng kapatid.
Bakit ba siya nasasaktan kasi na hindi na naman nakakauwi ang asawa niya?
Ang totoo, kanina pa siya naghihintay sa pagdating ng asawa. Parang hindi niya kasi kayang matulog na wala ito. Sye
