Gabi na pero ayaw pa ring dalawin ng antok si Calynn. Patuloy kasi sa pagkabog ang kaniyang dibdib. Nasa may balcony siya ng inuukupang kuwarto. Nakasandal ang ulo niya sa poste at nakahalukipkip. Tagusan ang tingin niya sa mga puno sa lalim ng kaniyang iniisip.
Nagpapa-palpitate rin siya’t nanlalamig. Kinakabahan pa rin siya na hindi naman niya maipaliwanag kung bakit. Basta ang alam niya ay may nangyayari sa labas ng villa. Ang hindi nga lang niya alam ay kung ano.
Hindi mapakali na kinagat niya ang hinlalaking daliri. May nangyaring bang hindi maganda? Kay Reedz? Kay Gela? Kay Lola Salome? Sino? Sino sa mga mahal niya sa buhay?
She sighed. “Hindi. Mali. Walang nangyayaring maganda sa kanila. Siguro ay dala lang ulit ito ng pagbubuntis ko. Mabuting iinom ko na lang ito ng gatas nang
