HINDI MAPIGILAN ni Chrislynn ang mapangiti nang makitang inaayusan ang nagsisilbing function hall sa bahay ampunan kapag may selebrasyon.
“Ano po’ng meron ngayon, Miss Zheryl?” hindi napigilang itanong ni Chrislynn sa isa sa head ng bahay ampunan na siyang namamahala doon ngayon. Ang ina kasi nito, na siyang naabutan niya roon noon, ay may edad na at hindi na kayang magpalakad ng buong bahay ampunan kaya namamahinga na lamang.
“May bisita na darating mamaya. Ganito lagi kapag darating siya, party-party lagi para sa mga bata na narito sa bahay ampunan.”
“Siguradong matutuwa na naman ang mga bata,” aniya na muling inilibot ang tingin sa function hall.
“Tapos na ba ang klase mo?” mayamaya ay untag sa kaniya ni Miss Zheryl.
Tumango siya nang muli itong balingan. “Katatapos lang po.”
Volu
