SAKTONG dinner nang makauwi ang ina ni Kirst. Dahil may trabaho ang kaniyang ama kanina kaya hindi nito nasamahan ang kaniyang ina sa House of Love. Nakaramdam ng konsensiya si Kirst dahil hindi man lang niya nagawang samahan ang ina sa lakad nito kanina.
Ganoon pa man, hindi naman mababakas ang pagod sa maganda nitong mukha dahil abot tainga pa ang ngiti nito nang dumating kanina. Hindi rin ito nauubusan ng kuwento, habang kumakain sila, tungkol sa mga bata sa bahay ampunan.
“And guess what?” tanong pa ng kaniyang ina mayamaya.
“What?” anang Papa Manuel niya.
“May nakita uli akong kaibigan na nagbo-volunteer ngayon sa House of Love. Hindi ko expected na makikita siya roon,” napangiti pa ang Mama Feliciana niya. “By next weekend, pupunta uli ako sa House of Love. I wanted to know her m
