TAHIMIK LANG habang kumakain si Chrislynn kasalo sa hapunan si Kirst at ang pinsan nito na si Ehlae Ken. Nakikiramdam din siya. Hindi kasi nakikipag-asaran si Ehlae Ken kay Kirst. Tahimik lang din ito habang kumakain sa may tapat niya.
Sinulyapan ni Chrislynn si Kirst na nakaupo sa may kabisera. Tahimik lang din ito. Daig pa ang mayroong anghel na dumaan dahil sa namumuong katahimikan nang mga sandaling iyon. Ibinalik na niya ang tingin sa kaniyang pagkain.
Iyong piling na may dalawang prinsipe sa paligid niya. Mga ganoong level ang datingan ni Kirst at ng pinsan nito. Tipong walang sinabi ang mga sikat na artista sa bansa. This kind of person really exist. Puwedeng gawing model sa mga book cover ng kaniyang nobela. Sa isip ay napangiti siya. Siguro naman ay hindi siya sisingilin ng mga
