MAAGANG gumising si Chrislynn kinabukasan para maghanda ng agahan. Unti-unti ay nasanay na siya sa ganoong routine. Gigising ng maaga para maghanda ng aalmusalin nila ni Kirst. Hindi rin naman kasi siya pumapayag na magkakape lang si Kirst bago pumasok sa trabaho. Gusto niyang busog ito bago pumasok.
Ngunit nang araw na iyon ay hindi naman papasok si Kirst dahil nakatakda silang umalis. Hindi pa niya alam kung saan sila pupunta dahil maski ito ay wala pa ring final na ideya. Bahala na raw. Iniwan niya kanina sa silid na tulog pa si Kirst.
Napahinto sa paghahalo ng kaning lamig si Chrislynn sa kawali nang makarinig ng pagtikhim. Napalingon siya sa pinanggalingan niyon. Nakita niya si Ehlae Ken na mukhang kagigising lang din.
“I wonder kung paanong nagbago ang ikot ng mundo ng pinsan kong
