WALA talagang masabi si Chrislynn sa ganda ng UHB Leisure Club. Sa sobrang ganda ng buong kapaligiran, refresh na refresh ang buong pakiramdam niya. Tama si Sir Matheo, nakaka-inspired ang lugar na iyon.
Ang gandang gawing setting para sa mga nobela. Hindi pa man siya as in nagtatagal sa loob ng UHB Leisure Club ngunit mayroon na siya roong paboritong spot. Ang Mishi River. Bukod sa sobrang tahimik sa parte na iyon ay nakaka-relax din ng isip ang tunog ng agos na nagmumula sa ilog at huni ng mga ibon.
Nagpahatid siya roon kanina. Request niya kanina kay Maryey na nais niyang bumalik doon.
Pumikit si Chrislynn habang nakaupo sa tabi ng ilog at muling ini-relax ang isipan. May kalamigan din ang klima roon dahil na rin mapuno ang lugar. Preskong-presko ang hangin.
Makalipas pa ang isang o
