SINA Ehlae Ken at Arra Shayne na rin ang nag-provide ng sasakyan ni Kirst papunta sa San Felix. Malayong biyahe iyon kaya may sarili rin siyang driver na kasama. At isa pa ay hindi naman niya alam kung saan banda ang naturang bayan sa bahaging iyon ng Northern Luzon.
Pabor naman iyon sa kaniya dahil hindi siya mapapagod mag-drive ng malayo. Kung mapagod man siya ay iyon ay dahil sa pag-upo.
“Ingat,” bilin pa sa kaniya ni Ehlae Ken. “‘Wag mong kalimutang gumamit ng lotion na anti mosquito. Baka hindi ka kilala ng mga lamok doon. Para iwas na rin sa dengue,” nakangisi pa nitong dagdag. “Mayroong nilagay si Misis sa dala mong traveling bag. Kaya mo na naman siguro ang sarili mo. Tawag ka na lang kapag may problema.”
“Mayroon din ba para sa iwas babae?” walang kangiti-ngiti niyang tanong. I
