KAHIT ano’ng gawin ni Kirst ay ginugulo pa rin siya ng mukhang iyon. Mukha na kailan man ay hindi niya malilimutan.
Nang muli siyang pumikit ay ang mukha na naman ng babae kanina sa restaurant ang nakinikinita niya.
Bakit kamukhang-kamukha niyon si Chrislynn? Maging ang height nang mga iyon ay parehas lang. Kung may iba man sa babaeng nakita niya ay mas payat iyon, eleganteng manamit at mag-ayos. Mas mukhang early twenties ang edad, kaysa early thirties na. Iba rin ang kulay at ayos ng buhok. Maging ang pangalan ay iba… pero sa kabila ng lahat ng pagkakaibang iyon ay bakit ganoon ang nararamdaman niya nang makita ito?
Kung hindi iyon si Chrislynn, bakit sumikdo ng ganoon ang kaniyang puso nang makita ito?
Muli siyang nagmulat ng mga mata. Alas dose na ng hating gabi ngunit hayon siya a
