LATE na naman nang magising si Kirst kinagabihan. Masyadong napagod ang kaniyang katawan sa dinaluhang charity event kaninang umaga. Nang makatulog nga siya kaninang hapon ay gabi na nang muling magising.
Alas nuwebe pa lang naman. Bukas pa ang restaurant sa baba. Nang makabangon siya mula sa pagkakahiga ay saka siya nag-inat ng mga braso.
Pagkatapos niyang gumamit ng CR ay kinuha na niya ang kaniyang itim na coat at inilagay sa bulsa ng suot na pantalon ang kaniyang wallet. Dinala rin niya ang gamit niyang cellphone.
Nang makalabas siya sa kaniyang suite ay nahagip pa ng tingin niya ang halos kakadaan lang na si Nastya. Papunta ito sa may dulo ng pasilyo kung saan naroon ang terrace ng hotel.
May kausap ito sa cellphone nito.
Bumaling siya sa kabilang bahagi ng pasilyo. Walang ibang
