NAGISING si Nastya nang marinig ang sunod-sunod na pag-iingay ng kaniyang cellphone. Napilitan siyang bumangon para tingnan kung sino ang tumatawag. Tuluyan na ring nagising si Kirst.
Agad niyang sinagot ang tawag nang makita ang pangalan ni Primo sa screen ng kaniyang cellphone.
“Nasaan ka na? Hindi ka pala umuwi kagabi sa hotel sa San Felix? Hindi mo rin ako in-inform,” bungad agad ni Primo sa kaniya nang sagutin niya ang tawag nito.
Mariin siyang napapikit. Sa sobrang daming nangyari kahapon ay nakalimutan na niyang ipaalam kay Primo na na-stranded siya kagabi sa San Simon dahil sa sobrang lakas ng ulan. At hindi rin makatawid sa may ilog dahil sa mataas na tubig.
“Primo—”
“Dahil sa hindi mo paglabas kahapong maghapon sa hotel, which is unusual. Kaya naman, kaninang umaga, pinilit
