"Matutulungan kita sa hinihiling mo p-pero Eurie, kaya mo ba ito? S-sigurado ka bang gagawin mo ang bagay na ito!?" tanong ng ina ni Lyca na si Leslie habang nakatingin kay Eurie. "S-Sigurado ka ba dito, iha?"
Tila wala na sa kaniyang sarili si Eurie habang tulalang nakatitig sa sanggol na nasa kuna. Malamya ang kaniyang katawan at ang mga mata niya'y pinangingilidan ng mga luha. Gusto na niyang sumuko sa buhay ngunit alam niyang hindi pwede dahil may isang sanggol na nakadepende sa kaniya.
Huminga siya ng malalim at saka niya maingat na kinarga ang sanggol sa kaniyang mga bisig.
"Gagawin ko po ang lahat para sa kaniya. Hinding-hindi ko po ipararanas sa kaniya ang mga paghihirap na naranasan ko," naiiyak na turan ni Eurie.
"Pero, iha, napakabata mo pa para pasanin ito ng mag-isa! K-Kai
