Bumalik sina Nigel at Eurie sa mansyon.
Tulala lamang si Eurie habang naglalakad na wala sa kaniyang sarili. Nakaalalay naman sa kaniya si Nigel at marahan silang pumasok sa loob. Madaling araw na noong makauwi sila ngunit kahit ganoon ay agad silang sinalubong ng mga Montecillo lalong-lalo na ng lolo ni Nigel.
"Nigel!" sambit nito at kahit nahihirapan sa sakit ng kaniyang tuhod ay bumaba pa rin ito para lapitan ang apo.
Sumunod na na dumating sina Maddie at Margaret, at kinalaunan ay pati sina Marthena at Maureen.
Tila hindi na sila alintana ni Eurie at tulala pa rin ito habang nagdadalamhati ang anyong nakatingin paibaba at nakatayo sa tabi ni Nigel.
"Lolo."
"Nigel, kamusta ang apo ko!?" agad na tanong ni Don Alejandro at nagsilapitan na din sina Maddie.
Hindi makaimik si Nigel d
