LORABEL
Kanina pa ako tulala habang nag-iisip at hawak ang folder na binigay ni Uncle Zarex sa akin. Hanggang ngayon ay hindi pa rin nasasagot ang mga katanungan sa isipan ko, pero nagdadalawang-isip ako kung sasabihin ko ito kay Uncle Zarex.
Siguradong magtatanong siya sa akin kapag kinausap ko siya tungkol dito. Baka isipin niya na gold digger ako at nag-a-assume na anak ako ni Aila dahil gusto ko ng pera niya.
May mga bagay kasi na hanggang ngayon ay nagkokonekta kay Mama at kay Aila, pero may loophole kapag pinagtagpi-tagpi ko.
Ampon lang ako, at alam ko iyon dahil hindi naman iyon itinago sa akin ng mga nakilala kong mga magulang. Sila mismo ang nagsabi sa akin noong bata pa ako na hindi nila ako tunay na anak dahil hindi na maaring magkaanak si Mama at iyon ang dahilan kaya hind
