LORABEL
Naging civil ang pakikitungo ko sa aking mga magulang habang kasama ko sila sa ospital. Hindi namin pinag-usapan ang nakaraan, at sa tingin ko ay iniiwasan rin nilang magbukas ng usapan tungkol dito dahil natatakot sila sa magiging epekto nito sa emosyon ko.
Miss na miss ko na ang mga anak ko. Nakikita ko sila kapag nagbi-video call kami ni Ate Kring at Jaja, pero hindi sapat iyon para mabawasan ang kagustuhan ko na makita at mayakap ko sila.
Ilang araw rin akong nanatili dito sa ospital bago pumayag ang doktor ko na umuwi ako sa bahay. Malakas na ako at hindi na rin nahihilo, kaya puwede na raw akong lumabas, pero kailangan ko pa rin mag-ingat dahil maselan ang kondisyon ko.
Ang sabi ng asawa ko, araw-araw raw ay pupunta si Doctor Chui sa bahay para mamonitor niya ang lagay k
