LORABEL
Agad akong naghubad nang makapasok ako sa pribadong silid dito sa loob ng opisina ni Uncle Zarex, at pagkatapos ay mabilis akong pumasok sa banyo para maligo.
Kailangan ko ito dahil pinagpawisan ako kanina sa labas. Mabilis rin akong mag-init ang pakiramdam, at simula nang magbuntis ako, nagiging pawisin na rin ako.
Nakatulong sa akin ang maligamgam na buhos ng tubig mula sa shower. Matagal akong nagbababad at ilang ulit na nagsabon ng katawan. Nang matapos at ginamit ko rin ang kinuha kong roba sa loob ng cabinet at ibinuhol ang tali nito sa aking bewang.
May naiwan akong ilang personal na gamit nang pumunta ako dito, kaya may nagamit akong sipilyo at mouthwash. Ang presko ng pakiramdam ko nang lumabas ako sa shower room.
Napangiti ako nang makita kong narito pa sa silid an
