Nang magkamalay si Sabinah ay nabulwagan ang nakatunghay na mukha ng kaibigan dahilan para mabigla siya. Halos madikit kasi ang mukha nito sa kaniyang mukha sa pagkakatanghod nito.
"Oh my God!" Gilalas niya.
"Hala siya! Grabe ha, sa ganda kong ito kung makatingin ka tila nakakita ka ng multo." Bulalas agad nito.
"Multo ka diyan. Akala ko nauna kang natodas sa akin. Bakit ka ba, naka suot ng ganiyan," sabay nguso sa suot nitong all around white na tila ngayon lang magkokomunyon.
"Akala ko nasa langit na ako." Aniyang bawi saka inikot ang tingin sa pag-asang makikita roon si Harvey ngunit nabigo siya.
"Gaga! Ito kaya iyong inorder natin sa online. Hindi ba maganda? Ang mahal din nito ah," turan ni Marian. Agad naman nitong napansin ang paggala ng tingin niya. "Si Harvey ba?"
"Galit b
