NILABAS ko na ang pagiging best actress ko pagpasok ko ng prisinto. Umiiyak-iyak ako na parang takot na takot pa rin, kunwari ay nanginginig-nginig pa dahil sa trauma. Nakakaalalay naman sa akin si Clavio na tamang sakay lang sa mga kalokohan ko, panay ang haplos sa likod ko na kunwari ay pinapakalma ako at awang-awa sa akin.
“Grabe po, mamang pulis, bigla na lang siyang pumasok sa apartment ko habang kumakain ako. At iyon nga po bigla niya na lang akong hinila nang sapilitan at ipinasok ako sa kuwarto ko. Doon niya na po ako tinangkang gahasain, mabuti na lang talaga dumating itong kaibigan kong si Clavio!” mangiyak-ngiyak kong paliwanag.
Parang naawa naman sa akin ang nasa mid-40 na kalbong pulis at inabutan na lang ako ng tissue pamunas sa luha ko.
Seriously, ngayon lang ako nagdrama
