"Hindi ka niya mahal, stepdaughter."
Mariing lumunok ang babaeng si Malina matapos marinig ang sinabi ni Cielo. Naramdaman niya ang bara sa lalamunan. Kumuyom ang mga kamay niya at galit na sinalubong ang mga mata ng madrasta.
"Mahal niya ako, Cielo. Kung mayroon man siyang hindi mahal dito, ikaw iyon." Ngumiti siya rito.
Nakita niya kung paano natigilan si Cielo. Tila nawalan ng dugo ang mukha nito dahil sa pamumutla niyon. Ang mga mata naman nito ay namimilog sa gulat. Talagang hindi inaasahan ng babae ang lalabas sa bibig niya.
"A-ano'ng s-sinabi mo?" uutal-utal nitong tanong.
Iniwan niya ang ginagawa at tuluyan itong hinarap. Taas-noo siyang ngumiti sa babae. Kung hindi lang sana ito masiyadong pakialamera, hindi niya sasabihin ang bagay na iyon. Pero oras na rin siguro para ma
