Tumuwid siya ng pagkakaupo at bahagyang umusog sa mesang nasa pagitan nila ng babae.
"Ulitin mo nga ang sinabi mo... " tila hindi makapaniwala niyang wika. Naroon ang pinaghalong gulat at galit sa tinig niya.
Natigilan naman si Jessica. Makikita ang simpatya sa buo nitong mukha habang nakatitig sa kaniya.
"Alam mo naman na malapit sa apartment na tinutuluyan ko ang hotel na iyon, `di ba? Nakita ko silang lumabas sa hotel, hindi lang iisang beses. Marami na.
"Buong akala ko, nandoon sila for a meeting, pero noong huling kita ko sa kanila, nakahawak nang mahigpit ang Tito Tiago mo kay Cielo. Parang may importante siyang binubulong sa asawa ng daddy mo. But she looked like crying, e. Basta hindi normal."
Kumuyom ang mga kamay niya nang maisip ang ibig sabihin ng mga sinabi ng babae.
"P
