Hindi na lang siya basta kabit ni Arnulfo, ang mayamang owner ng Marasigan Corp. Asawa na siya nito at may karapatan na siya sa lahat ng kayamanan nito. Pero hindi lang iyon ang gusto niya, gusto niya ng lahat ng mayroon ito. Lalong-lalo na ang kompanya. Hindi siya papayag na mapupunta iyon sa anak nitong si Malina.
Gagawin niya ang lahat upang mapasakaniya ang kompanya. At kapag nangyari na iyon, ang plano niya ay babalikan na niya si Atticus. Pero wala sa plano niya ang ikasal ito sa anak ni Arnulfo. Kung sana ay natuto lang itong naghintay.
Bumukas ang malaking pintuan ng suite at nakita niyang pumasok ang asawang si Arnulfo. Matalim ang mga mata nito habang nakatingin sa kaniya nang mariin. Lumapit ito sa tabi ng kama niya at mataman siyang pinagmasdan.
Nakahiga siya sa kama habang
