TILA nanghihinang napahawak sa filing cabinet si Arnulfo nang hindi makita ang importanteng dokumento sa loob ng pinaglalagyan nito. Mabilis namang nilapitan ni Malina ang daddy niya at nag-aalala itong hinawakan sa braso upang alalayan.
"Daddy, what's wrong? M-may problema ba? May nawawala ba sa mga papeles mo?" sunod-sunod niyang tanong. Bakas sa mukha at boses niya ang labis na pag-aalala.
Tila nahimasmasan si Arnulfo sa narinig na pag-aalala mula sa kaniya. Mabilis siya nitong nilingon at inilingan bago pinilit ang sarili na tumayo nang tuwid.
"Daddy, sabihin mo sa akin ang problema. Alam kong may problema ka," pakiusap niya rito at inalalayan ito patungo sa swivel chair nito, pero agad rin nitong pinalis ang kamay niyang nakaalalay.
"I'm fine, Malina. Lumabas ka muna," nakaramdam
