"Bago mawala ang mommy niya, madalas siyang mahirapang huminga at laging nasa ospital. Pero nitong nagdaang mga taon, nagtataka ako kung bakit ni minsan, hindi ko na siya nakikitang kinakapos ng paghinga. Para bang wala na siyang dinaramdam na sakit. Huli ko nang napansin na pilit niyang iniinda ang karamdaman niya. Pilit siyang nagpapakatatag at dumidistansiya sa akin. Kaya ganoon na lang ang pag-aalala ko sa tuwing napapasok siya sa kahit anong gulo."
Muling sumilay ang ilang gitla sa noo niya. Hindi niya matukoy kung bakit gagawin iyon ng babae, pero nang maalala ang mga sinabi nito noon tungkol sa daddy nito at kay Cielo, nagkaroon siya ng hinala kung bakit inilihim nito ang tungkol sa sakit sa puso.
"Nag-umpisa bang magkaganoon si Malina nang pakasalan mo si Cielo?" nakuha ng tanong
