MATAPOS ilapag ni Nate sa ibabaw ng mesa ang isang bote ng alak at isang tasa ng kape, nakangiti itong nagpaalam sa kanilang dalawa at umalis.
Natawa ang lalaking si Wayne nang abutin nito ang bote, at pagkatapos ay uminom. "Unang beses na tumanggi ka sa alak, ah."
Ngumiti siya habang hawak ang tasa ng kape at kasalukuyang humihigop doon. May ilang minuto rin silang binalot ng katahimikan, para bang walang may gustong magsalita sa kanila. Nakatitig lamang sa kaniya ang lalaki na para bang inaalam nito ang lihim sa likod ng pagtahimik niya.
Nagbuga ito ng hangin mula sa bibig. "Hindi ko alam kung bakit iyong stepdaughter pa ni Cielo ang pinakasalan mo."
Inilapag niya ang tasa ng kape sa ibabaw ng mesa saka makahulugang ngumiti. Ngayon na may nalaman na naman siya tungkol kay Malina, hin
