Matapos tawagan ang pulis na nakilala niya noong tinulungan niya ang babae mula sa riding in tandem, mabilis na sinundan ni Atticus ang taxi gamit ng standard motorcycle na pagmamay-ari ng kaibigan niya mula sa katabing shop.
Kamuntikan pa niya itong hindi mahabol pero mabuti na lang at sumakto siya ng dating bago pa man may nagawang masama ang lalaki sa dalaga. Nang makita ang ayos at posisiyon ni Malina kanina ay nawala na siya sa isip niya. Paulit-ulit niyang sinuntok ang lalaking driver hanggang sa dumating ang pulis na tinawagan niya.
Halos maligo sa sariling dugo ang lalaking driver ng taxi matapos siyang awatin ng ilang kapulisang dumating. Laking pasasalamat niya rin na nagawa siyang pigilan ng mga ito. Kung hindi ay siguradong mapapatay niya ang lalaki. Kapag nagkataon ay naging
