"Bakit kayo umalis ni Malina? Ano'ng ginawa n'yo? Ano'ng ginawa n'yong dalawa!" Pilit nitong pinabababa ang boses ngunit hindi maitatago ang galit at panggigigil sa pananalita nito.
Nagbuga ng hangin sinAtticus bago nang-uuyam na ngumiti. Sinalubong niya ang matalim na mga mata ng babae at nilapit ang sarili rito.
"Ano pa ba sa tingin mo? Akala ko, malinaw na ang mga narinig mo. Hindi pa pala? Talaga ngang mahina ang utak mo." Sumilay ang nakalolokong ngiti sa mga labi niya.
Sunod-sunod namang umiling si Cielo. Mababakas ang sakit sa mga mata nito. Huminga nang malalim ang babae at mahigpit siyang hinawakan sa kamay.
"Sabihin mong mali ako ng iniisip! Sabihin mong walang nangyari sa inyo. Atticus, h-hindi mo magagawa sa akin iyon!" Kulang na lamang ay lumuhod sa paanan niya ang dating
