ALAS-OTSO na ng umaga nang mabalitaan ni Malina na hindi umuwi ang daddy niya. Sigurado siyang nag-overtime na naman ito sa opisina. May pagka-workaholic kasi ang kaniyang ama. Isa iyon sa maraming dahilan kung bakit laging nag-aaway ito pati ng mommy niya noong nabubuhay pa ang kaniyang ina.
Lumabas na siya ng mansiyon at palapit na sa tarangkahan nang bigla siyang matigilan. Bumukas ang gate at pumasok si Cielo habang nakangiwi ang mukha. Nakahawak ito sa isang paa nito sa may bandang hita.
"Hindi ka rin umuwi kagabi, Cielo?" bungad niya sa babae nang makalapit dito.
Mukhang hindi siya nito napansin kaya nang magsalita siya ay natigilan pa ang babae. Kumunot ang noo nito at inayos ang sarili.
"Dito ako natulog. Lumabas lang ako kanina dahil may pinuntahan akong mahalaga."
Napatango
