TUMUWID ng upo si Atticus nang makita ang unti-unting pagdilat ng mga mata ng asawa. Mabilis siyang tumayo at marahang hinaplos ito sa isang pisngi bago paulit-ulit na hinagkan sa gilid ng ulo.
"Hey, I'm here. I'm right here, baby," masuyo niyang bulong dito. Nasa loob sila ng isang pribadong silid kung saan in-admit ang babae nang madala ito sa ospital.
Sumilay naman ang matamlay na ngiti mula sa mga labi ni Malina. Pilit nitong itinaas ang kamay upang mahawakan ang pisngi niya. Nang maramdaman niya ang malambot nitong palad sa pisngi ay mahigpit niya iyong hinawakan at masuyong hinalikan.
"Okay na ako... " saad ng babae mula sa namamaos na boses.
Mariin niyang ipinikit ang mga mata at nagbuga ng hangin. Pakiramdam niya ay nabunutan siya ng tinik sa puso. Gumaan bigla ang bigat sa kan
