NAALIMPUNGATAN si Malina nang maramdaman ang pagtama ng malamig na hangin sa pisngi niya. Dahan-dahan niyang binuksan ang mga mata at mabilis na napangiwi nang maramdaman ang kirot sa pagitan ng mga hita.
Nakaharap siya sa bintana at nakaunan sa bag na dala ni Atticus. Nang makalanghap ng amoy ng bagong lutong mga pagkain ay pinilit niyang bumangon at bumaling sa harap. Natigilan siya nang makita si Atticus. Nakaupo ito sa paanan niya habang naroon sa sahig sa tabi nila ang mga pagkain.
"Good morning," bati nito at sumilay ang isang matamis na ngiti sa mga labi.
Awtomatikong sumilay ang banayad na ngiti sa mukha niya nang magtama ang mga mata nila. Nakabalot ang hubad niyang katawan ng makapal na kumot. Hinanap niya ang sariling mga damit at nakita ito sa gilid ng hinihigaan. Napansin p
