"Nilalamig ka ba? Gusto mong magpainit?" bulong niya mula sa malalim at namamaos na boses.
Muling lumunok ang babae. Ibig na niyang matawa sa nakikitang reaksiyon dito. Oo nga't nasa liblib na lugar sila kung saan malayong-malayo ang mga kabahayan sa kinaroroonan nila. Kahit yata sumigaw roon ang asawa ay walang makakarinig dito. Pero hindi niya magagawang pagsamantalahan ito kahit kanina pa siya tayong-tayo sa mga yakap at haplos ng asawa.
Hindi siya gagawa ng kahit na anong bagay na labag sa kagustuhan nito. Sa mga oras na iyon, gusto lamang niyang palipasin ang gabing kasama ang babae.
Tatawa na sana siya nang makita ang matuling pagtango ni Malina kasama ng mahina nitong pag-ungol. Bigla siyang natigilan at pinanlamigan ng katawan. Sa nakitang reaksiyon nito ay gusto na niyang talun
