ISANG malalim na hangin ang ibinuga ni Atticus bago ipinarada ang kotse sa gilid ng daan. Natigilan naman si Malina sa ginawa ng asawa. Nilingon niya ito at pinagmasdang mabuti. Halata sa mukha nito na hindi ito mapakali at tila may bumabagabag sa isip.
"May problema ba?" Marahan niya itong hinaplos sa balikat.
Hindi siya pinansin ng lalaki. Matagal itong nakatitig sa madilim na daan na tanging ang ilaw mula sa kanilang sinasakyan ang nagbibigay liwanag. Maya-maya ay humigpit ang hawak nito sa manibela at mariing kinagat ang ibabang labi.
Makalipas ang ilang sandali ay nilingon siya nito at matamang tinitigan sa mukha. Nagtataka man ay pinili niyang hintayin ang sasabihin nito.
"Gusto mo bang sumama sa akin?" sa wakas ay nagawa nitong sabihin.
Nagtataka naman siyang ngumiti. "M-magkas
