PAGKATAPOS ng hapunan ay kasalukuyan nang pinagmamasdan ni Malina ang mga isda sa loob ng aquarium niya habang paikot-ikot ang mga itong lumalangoy sa paligid ng barkong laruan. Nang marinig ang pagbuntong-hininga ng asawang si Atticus na noo'y nasa tabi niya, mabilis niya itong nilingon. Bumungad sa kaniya ang mga mata nitong mataman na nakatitig sa kaniya.
Sumilay ang maliit na ngiti sa mga labi niya. "Kanina ka pa bumubuntong-hininga. What's wrong?"
Marahas muling nagbuga ng hangin si Atticus at mas lalong inilapit ang katawan sa kaniya.
"Ayaw mo ba talagang sabihin sa akin?" anito at maingat na hinawakan ang kamay niya saka pinagsalikop ang mga daliri nila.
Bahagya siyang natawa sa sinabi nito. Simula nang makaalis si Cielo kaninang hapon matapos ng pag-uusap nila, hanggang sa magh
