NAGISING si Alessandro na wala na sa kama si Narian. Bumalikwas siya at kaagad tumakbo palabas ng kuwarto. Nagkakagulo na sa labas. Masakit pa ang ulo niya dahil sa epekto ng fusion na nalanghap niya. Pamilyar sa kanya ang fusion na iyon. Kilala niya kung sino ang may kagagawan niyon.
“H-Hero,” bigkas niya habang papalapit siya sa pintuan patungo sa bulwagan.
Pagdating niya sa gitna ng pasilyo ay nasalubong niya si Dylan. “Nasaan si Narian?” tanong pa nito sa kanya.
“Nawawala siya,” malungkot na sagot niya.
“Nawala rin ang katawan ni Riosen sa mansiyon. May gumaya kay Symon para makuha ang katawan ni Riosen. Nakita siyang pumasok sa kulungan ni Riosen. Kinabukasan ay wala na ito roon,” balita nito.
Nangggalaiti siya. Si Hero ang iniisip niyang salarin. May kakayahan si Hero na gayahin
