Chapter 19
▪︎Leigh▪︎
She blinked. It's really him. Pumikit siya dahil baka tulad kanina ay imahinasyon lamang niya si Clive. Baka mamaya ay mukhang pigsa na tinubuan ng kamay at paa ang imaginary Clive niya. Iyong kanina ay mukhang panutsa. Patawarin siya ng Diyos pero hindi naman siya namimintas. Nagsasabi lamang siya ng totoo.
Pagmulat niya ay iyon pa rin talaga ang nakikita niya kaya nasira ang kanyang walkout. Hinawakan niya si Jillian sa magkabilang parte ng mukha at sapilitan na iniharap dun.
"Hindi 'yan si Clive, di ba?" Tanong niya pero tumawa ito nang malakas.
"Siya," anito kaya muli siyang tumingin sa lalaki.
Siya nga. Tumingin iyon sa nakasagutan niyang si Laiza.
"Mauna na ako, mukhang may sundo kayo. Kita-kits na lang bukas mga sissies," paalam ni Kaiser sa kanilang dala
