Chapter 83
MALUNGKOT na nakaupo si Leigh sa may lawn. Nakakatuwang pagmasdan ang paligid ng bakuran ni Clive dahil napapalibutan iyon ng mga tubig. Para siyang nasa isla. Iyon pala ang gustong ipahiwatig ng disenyo ng bahay ni Clive.
Unang beses kanina paggising nang atakihin siya ng morning sickness. Hirap na hirap siya sa pagsusuka kanina tapos ay hinang-hina siya pagkatapos. Naiyak na lamang siya dahil inaalala niya si Clive na sa presinto natulog. Ni hindi man lang nga siguro iyon nakatulog dahil hindi komportable. Dinalhan naman yun ni Xavier ng mga gamit pero nag-aalala pa rin siya. Kulit siya nang kulit kahapon nang bumalik si Xavier sa mansyon.
Ang sabi lang ay huwag siyang mag-alala dahil babantayan nun ang asawa niya.
Tambak ang reporters sa labas ng subdivision. May mga bali
