Pareho kaming nasa sala pa ng anak ko, ayaw umakyat ni M.A. kase hihintayin niya pa raw ang Daddy niya na nangakong maaga itong uuwi at sabay silang maghahapunan, pero nag alas syete na ng gabi ay wala pang Angelong dumating. Malungkot ang anak ko kase hindi tinupad ng ama ang pangako sa kanya, nakailang pilit pa ako sa anak ko kanina para kumain lang siya at ngayon ay alas nuebe na ngunit wala paring Angelo na dumating. Hindi siya tumawag man lang para ipaalam na gagabihin siya ng uwi.
Nagbuntong hininga ako, nakatulog na sa hita ko ang anak ko kaya pinatay ko na ang TV at dahan-dahan siyang binuhat paakyat sa kwarto niya. Dito nalang din ako matutulog, sasamahan ko ang anak ko kase alam kong masama ang loob niya o may tampo sa ama. Inayos ko ang pagkakahiga niya at kinumutan siya, humig
