"Hindi ayoko po! Bahala po kayo hindi ako sasama sa inyo! B-Basta kay kuya Arlott lang po ako sasama, hindi pwedeng sa iba. Gusto ko kasama lang siya, kung ayaw ninyo siyang isama. Dito ako titira kung ayaw niyo eh 'di aalis na lang po kami ni Kuya. Basta ayokong mawalay sa kanya, alam ninyo naman na nakasama ko siya sa matagal na panahon. Sa mga taon na iyan, si K-Kuya lang po ang karamay ko. Siya lang ang nasa tabi ko noong panahong kailangan ko ng gabay ng isang magulang. K-Kaya hindi ko kayang gawin ang nais nyo, pasensya na po." Umiiyak na pahayag pa rin ni Marilag.
"Wag na matigas ang ulo Marilag. Ano ba hindi ka na nakakatuwang bata ka. Ganyan ba ang natutunan mo doon sa kabundukan? Wala ka nang galang, hindi muna ako ginagalang ako ang nanay mo dapat ako lang ang pinapakinggan m
