Chapter Thirty Three
ARC
HINDI ko na nagawa pang dalawin si Aly pagkatapos ng duty ko dahil tumawag sa akin si Janice. Lubos naman akong kinabahan kaya mabilis ang pagmamaneho ko patungo sa bahay nila.
Magtatakip-silim na. Mula sa kanilang bakod ay rinig kong ingay sa loob ng bahay nila.
Mabilis akong pumasok at nakita ko si Janice na sinampal ng kanyang ama.
"Wala kang kwenta! Lumayas ka rito. Bakit bumalik ka pa?" saad ng tatay niya saka lumagok sa bote ng alak na hawak nito. Samantala ay umiiyak naman sa tabi ni Janice at ang ina nito.
Mabilis kong dinaluhan si Janice saka hinarap ang tatay niya, "Hindi naman po yata tama yan," sabad ko saka tinago sa likuran ko ang kawawang babaeng minaltrato ng ilang beses.
"Aba'y, buhay ka pa pala Arc. Mahal mo pa ba yang basurang yan? Kunin m
