Buhos ang atensyon kay Winona at hindi napansin ang paglapit ni Direck sa kanila.
"Nagtanong tanong si Onofre sa mga nakakakilala sa lalaki at maging sa naging kaklase at kaibigan nito noon. Isa sa napag-alamang kasintahan pala ito ng kapatid mo. Lihim ang relasyon nila kaya ilang malalapit lang nilang kaibigan ang nakakaalam." Pagbibigay alam pa nito.
Sa lahat ng narinig buhat sa kasamahan ay unti-unting lumilinaw ang lahat.
"May kopya ba kayo ng CCTV ng....ng ...pag.." hindi maituloy-tuloy na wika dahil nag-uunahang maglandasan ang luha sa mata niya.
"Oo," tipid na tugon ni Winona.
Nasapo ni Haidee ang mukha. Nakita niyang dadaluhan sana siya ni Winona nang isang kamay ay humawak sa kaniya at niyakap siya nito.
Si Direck iyon. Wala na siyang pakialam sa kung ano pa ang sasabihin ng
