Laking tuwa ni Kikay sa narinig na sinabi ni Zeus sa babaeng kausap. Kita pa rin ang hindi makapaniwalang tingin nito pero batid rin yatang sinsero si Zeus sa sinabi kaya wala itong nagawa at padabog na umalis sa kanilang harapan.
Nabigla pa ang Mama ni Zeus nang makasalubong ito. "Oh, what happen to her?" maang na tanong nito.
"Wala naman, Mom. Sinabi ko lang na may—" putol na turan sa ina nang makitang nakangiti ang ina at mapanudyo ang tingin nito. Mabilis siyang napabitaw sa pagkakahawak sa baywang ni Kikay.
"Anong sinabi mo, anak?" anito na tila hindi makapaghintay pa sa sasabihin dito.
"Ah, wala!" aniyang sabad nang mabatid na mas lalo siya nitong tutuksuhin.
Nang bigla itong matawa. "So, ano iyong hawak mo sa baywang ni Kikay?" maang na tanong nito.
"Mom?!" sawata sa panunudyo
