Gaya ng kaniyang inaasahan ay inalaska siya at tinudyo ng mga ito pero ang importante sa kaniya ay hindi nagalit si Kikay.
Naging mas kapana-panabik ang sumunod na araw dahil dumating ang araw ng kanilang engagement. Doon ay pormal na sasabihin sa publiko, sa mga kapamilya, kaibigan at kakilala. Doon ay kompleto silang pamilya. Maging ang mga lola't lolo nila mula Romblon at lola nila mula sa side ng kanilang Mama Trining.
Hindi pa nga alam kung matatawa o mababahala sa nakikitang iringan ng kanilang mga lola. Kuwento ng kanilang Mama Trining ay ayaw daw talaga ng ina nito sa Papa nila para sa kaniya dahil nga sa magsasaka lang ang pamilya ng ama bagay na masyado yatang dinamdam ng kanilang lola at ngayon ay ayaw pakabog sa isa't isa.
Tila may fashion show ng mga groovy lola sa mga su
