Agad na napatigil si Kikay nang biglang may tumikhim sa kanilang likuran dahilan upang maitulak si Segundo at halos bumalandra sa kung saan.
"Aray ko naman, Kikay. Hindi ka naman mabiro oh," maktol ni Segundo na kababawi lamang ng balanse.
"Kasalanan mo ito!" aniya saka pinanlakihan ito ng mga mata.
"Kasalanan ko pa ngayon?" maang nito.
"Oh, awat na baka mamaya kung saan mapunta ang bangayan niyong dalawa. Hindi pa rin kayo nagbabago," ang tinig ng ina ni Kikay.
Mabilis na binalingan ni Kikay ang kaniyang boss at nakitang matiim ang tingin sa kaniya. 'Ano na naman? Wala kong ginagawang masama?' aniya sa isipan upang depensahan ang sarili. 'Selos yata?' kinikilig na tili sa isipan.
"Hoy, Kikay! Aba, kanina pa ako salita nang salita dito ah! Sabi ko bakit nga pala kasi napabalik agad?
