Naging mahaba at makakapagod ang araw na iyon para sa kanilang lahat. Kaya naman pagkatapos na pagkatapos nilang magpalit ni Zeus ay tulog silang dalawa.
Naalimpungatan lamang si Kikay nang tumunog ang kaniyang tiyan. Paano ba naman kasi ay hindi siya makakain gawa ng masakit ang kaniyang puson. Nagulat pa siya nang makapang may kasama siya sa kama. Akmang tatadyakan sana ito nang maalalang kasal na nga pala sila ni Zeus.
Maingat siyang bumangon at nagtungo sa banyo. Matapos ay patingkayad siyang dinaanan ang asawa sa kama at tinungo ang pintuhan upang magtungo sa kanilang kusina. Hindi niya napansing nagising na pala ang asawa at kunot-noo na nakamasid sa kaniya na tila ba isang magnanakaw na ayaw makalikha ng ingay.
"Saan ka pupunta, babe?" namumungay ang mga matang tanong ni Zeus sa
