PAKENDENG-KENDENG NA bumalik si Juniper galing sa kusina. May dala itong tray na may lamang pitong baso ng mango shake. Nakaupo silang lahat sa veranda sa second floor ng bahay ni Nate at nakaharap sa dagat. William was sitting on the swing chair habang sa lounge woven chair naman nakaupo si Doctor Leviste. Nakasandal naman sa railings ng veranda si Kyler na nakatitig kay William at nakaupo si Nate sa railing na pinagmamasdan si Ginger habang hinihilot pa rin ang ulo ni Doctor Leviste.
Sumunod naman si Manong Rudy na may dalang pinggang puno ng turon at banana cue. May dala rin itong kalingking—ang paboritong sweet potato snack ni Nate na niluto ng PA nitong si Norman. Pinatawag ni Nate ang PA nito mula sa Maynila upang matulongan siya sa surprisa ng pinsan kay Ginger.
“Si Norman, nakit
