PUPUNGAY-PUNGAY SI GINGER nang pumasok sa bathroom ng kuwarto. Pagsara niya ng pintuan ay may nakasabit na white summer dress sa likod ng pintuan. Off shoulder iyon. Princess cut at may ternong manipis na sinturong pula. Lampas tuhod ang haba ng bestida. Kawangis ito ng summer dress na suot niya noon sa K-Town. ’Yong unang lunch date nila ni William kasama ang Mama Almira niya. Napansin ni Ginger na may post-it note na kulay neon green na nakadikit sa harap ng damit.
The note says “Wear me.”
Dahil maganda ang dress, hindi nagdalawang-isip si Ginger na suotin iyon. Nagpaikot-ikot pa siya sa harap ng salamin.
"Ang ganda mo talaga!”
Matapos ang seremonyas sa banyo, saka lamang napansin ni Ginger na nakaayos ang kaniyang buhok at may kolorete siya sa mukha hanggang sa makarating siya sa m
