MALAYO PA LAMANG ay tanaw na ang bungalow na bahay ni Nate. Dalawang palapag iyon at may malaking terasa sa ikalawang palapag na nakaharap sa dagat. Napapalilibutan iyon nang iba’t ibang klaseng bulaklak at halaman. Kapansin-pansin ang gazebo na hugis dome. Puti ang pintura no’n na napalilibutan ng iba’t ibang kulay ng daisy at rosas.
Sumunod si Ginger, William, at Doctor Leviste kay Nate. Itinuro naman ni Nate kay Ginger kung saan ang kusina ng bahay. Bitbit naman ni Kyler at Juniper ang grocery na galing sa Leviste Traders. Ilang minuto pa ay nagpaalam si Nate na lalabas at may iche- check lang saglit sa resort.
“Tulungan na kita, Beks,” ani Juniper.
Naghugas naman ng kamay si Doctor Leviste bago sinimulang balatan ang sibuyas. Gumaya si William sa doctor na parang nagpapasikat.
“Hub
