TATLONG araw na ang nakalipas magmula noong umalis si Rafael. Nagtataka si Charie bakit dumating na ang daddy nito sa academy kahapon pa. Ang sabi ni Symon, naiwan daw sa Spain si Rafael dahil hindi pa raw natatapos ang obligasyon nito sa Libertad Organization. Habang lumilipas ang mga araw na hindi pa niya nakikita ang binata ay unti-unti na siyang nilalamon ng lungkot at pangungulila.
Sumasama siya araw-araw sa medical mission para lang hindi siya mainip. Ilang beses siyang inimbitahan ng mama ni Rafael na matulog doon sa safe house pero tumanggi siya. Gabi na siyang umuuwi sa academy.
Pagdating niya sa academy ay dumeretso siya sa food center. Maraming kumakain. Mahaba rin ang pila sa counter. Tiniis niya ang gutom dahil gusto niya doon siya kakain. Nakita kasi niya ang menu kaninang
