PINAPANOOD ni Charie ang dalawang anak niya na naglalaro sa playground sa tapat ng villa house. Dalawang taon na si Chara. Si Roxen naman ay malapit nang mag-dose anyos. Binatilyo na ito. Naroon siya sa terrace at hinihintay ang kanyang asawa. Magdadalawang tao na silang kasal ni Rafael. Balak nilang buksan ang zoo para sa public kaya busy ang asawa niya sa pag-aasikaso sa mga hayop.
“Honey, let’s go!” tawag ni Rafael.
Nang lingunin niya ito ay nagulat siya nang makitang tanging tuwalya lamang ang sapin nito sa katawan. Katatapos lang nitong maligo.
“Bakit?” wala sa loob na tanong niya.
“Anong bakit? Hindi ba may usapan tayo?”
“Ano’ng usapan?” maang niya.
“Aba, nakalimot ka na, ah. Schedule natin ngayon,” anito.
Napangiti siya. Martes pala. Iyon ang schedule ng weekly honeymoon na
