DUMAAN lang si Rafael sa academy para sunduin si Roxen. Pagkatapos ay dumeretso na sila sa bahay nila. Hanggang sa panahong iyon ay palaging hinahanap ng bata ang ina nito. Hindi pa rin niya sinasabi rito ang totoong dahilan kung bakit sila iniwan ng ina nito. Kahit masama ang loob niya sa pag-iwan sa kanya ni Charie, gusto niyang manatiling maganda ang imahe nito sa kanilang anak.
Magmula noong sinabi ni Geon na nakita nitong magkasama sa iisang bahay sa Spain sina Leeven at Charie, pinag-aralan na rin niyang ipaintindi sa sarili na hindi siya minahal nang lubos ni Charie. Maaring ginamit lamang nito ang pagkakataong nagkatagpo sila upang mahanap nito ang sagot sa problema nito. Maari ring alam ni Leeven ang kakayahan niya kaya sinadya ni Charie na magpabuntis sa kanya nang sa gayun ay i
